Sherlar

***

Siz meni bilmaysiz, bilmaydi dunyo.

Uyg`ondim dunyolar yorishmasidan.

Mendan madan izlar hamon alkimyo,

Qahr va sevgining qorishmasiman.

Ko`zlarim  xarita, adashtiradi.

Qaramang demayman. Mayli, adashing.

Sizni topib olay ko`zim qaridan,

O`zni yo`qotishim  sizga qarashim.

Suhrobni taniysiz, u ham men emas.

Zulmatga yo`g`rilar siz bilgan Ziyo,

Tilsimlab tashlangan g`orday bezabon.

Siz meni bilmaysiz, bilmaydi dunyo.

Qanday yashashimning qizig`i ham yo`q,

Chayonman  tilimda ishqning zahri bor.

Siz mening yonimda bo`lmas ekansiz,

Qanday yashashamoqning nima farqi bor?

Suhrob Ziyo