Kardiogramma (badiha mashqi)

Kardiogramma,
Nimadir bu xat,
Nimalar demoqda yuragim zarbi?
Nechun u ko`ksimda urinar faqat,
Parvozga talpingan tutqun qush kabi?
(Erkin Vohidov)
Kardiogramma,
Nimadir bu xat,
Nimalar demoqda yuragim zarbi?
Nechun u ko`ksimda urinar faqat,
Parvozga talpingan tutqun qush kabi?

Egri-bugri chiziq balandga, pastga
tinmay borib kelar monitor bo`ylab.
Nima bu? Umrmi? Yoki havasga,
Ishqqa, muhabbatga atalgan kuylar?

Ey do`xtir, bemorman  yashashdir dardim
belanib ilhomning sukunatiga.
Ko`nglimning tilini tushunmoqchisiz,
Ulab nemislarning uskunasiga.

Qo`ying, hasratlashay, yonimga keling,
So`zlang, umriningizni, ilk sevgingizni.
Navoiydan aytay, Mashrabdan aytay,
Davolab qo`yayin men ko`nglingizni.

Kardiogramma
Sizning tildagi yurak arteriyasin xabarnomasi.
Bu yurak  bu umr, aytsam, aslida,
Insonning sinovli safarnomasi.

Egri-bugri chiziq balandga, pastga
urinib-surinib yashalgan hayot.
Bari tekislanar bir kun, bir vaqtda
Uskuna hech qachon qilmaydi faryod.

Siz buni bilasiz, hamma biladi.
Kimdir tan oladi, kimdir bermas tan.
To`g`ri chiziq bo`ylab abadiyatga
Borib ulanadi kardiogrammam.

Suhrob Ziyo